Pierre Stanley Baptiste

The Art Of Leveraging Scarcity

Page 2 of 22

Inyore Feblès Ou Siw Vle Reyisi

Sa fè 3 zan wap goumen pouw maton nan domèn saa. Tout moun nan lantouraj ou metrizel. Ou wont. Ou jire sou viw fòk ou bon ladanl.              

Yon jou maten, ou pran baton pèlerenw, wal nan pye ti Sent Anne. Wal mandel sa kap pasew. Ou desespere, ou pansew san valè.

Konbyen fwaw fòse ranje feblès ou? Konbyen nan nou ki pase tann ap pyese kole lavi nou ?

Objektif pòs saa se konvenk ou envesti tanw nan fòs ou, olyew fokis sou tout sak pa bon lakay ou.

Wap kole

Siw pa fò nan matematik, ou pap janm atenn yon gwo nivo nan kontabilite menmsiw kraze brize. Wap atenn yon nivo akseptab siw kraze kòw anpil, men pase yon sèten limit, se lave men siye atè. Wap kole nan limit kapasitew, pasyans ak konesans ou. read more

Vann Talanw

7 Fason Pouw Vann Konpetans ak Talanw San Depanse Senkòb

Ou chita lap wap travay men sa wap fè a pa janm rive pli lwen ke bò lakay ou. Ou timid menm jan avèm. Ou se yon entwovèt, ou pa vle fè soumoun. Ou panse ke se sèl moun soumoun ki ka pran plas yo nan sosyete a.

Ou di “sh*t, kisam ka fè nan mond kote se betiz kap fè plis hit la ?” Banm diw, wi sa wap fè a gen plas li. Wi, gen yon gwoup moun kap tann ak raj saw pote pou vann.

Objektif pos saa se pataje avèw 7 fason pouw vann konpetans ak talanw.

1- Kreye pwòp sit paw

Siw pa gen yon kay vityèl, ou preske pa egziste. Yon sit se kòm yon kay nan mond vityèl la. Se la moun jwenn saw pwodui ak konn plis sou ou. Yon sit baw kredibilite. Li montre kew se yon moun ki pran saw fè oserye. read more

Vann Saw Vle Vann Lan

[Personal Branding] Saw Pot Pou Vann ?

Wap mande tèt ou, kòmanw ka ogmante enfliyans ou pandanw pa yon atis. Ou wè moun ki pap regle anyen ap fè hit. Ou santi idew yo anvi mouri nan menw. Ou dekouraje ak yon sosyete ki pap ankourajew.

Men, e sim diw ou poko fè ase pouw rive sou odyans wap chache a.

E sim diw ou dwe deplwaye 10fwa plis taktik ke moun ki popilè yo.

E sim diw, ou gen yon lis bagay ou dwe fè pandan, pipiti, yon lane avanw resi jwenn yon ti kras nan odyans lan. Eskew prè pouw tandem toujou ? Oswa ou panse map pale bè.. hen ? read more

Ou Merite Yon Bèl Vi. Ou Mèt Kwèm

Ou konnenw ka akonpli sa ki gran.
Nan nanm ou, ou konnenw vle yon bèl vi, menl difisil pouw kwèl.
Orijin ak reyalitew fèw panse li pa posib.
Ou anvi vanse, menw bloke: ou pa kwè moun tankouw merite rive nan nivo saaa..
Yon vwa pa sispan diw: « kiyès ou ye pouw panse ka X… ». Saa se vwa lepase, li pa ka gidew vè lavni. Inyorel!

“Okenn moun pa ka fèw santiw enferyè san konsantmanw.”  Eleanor Roosevelt

Wèl poul tèt ou

Siw pa ka imajinel poul tèt ou, moun pa ka imajinel pou ou. Defini tèt ou an fonskyon kotew prale, pa an fonsksyon kotew ye. Lavi pap fè bak, se douvan la mache. Chak aksyon nan prezanw dwe gen wòl pou mennenw nan fitiw merite a. read more

7 Kesyon Esansyèl Ou Dwe Poze Tèt Ou Kounyaa

Pandanw nan fèt la, kesyon an monte nan tèt ou. Yon ti somèy pral volèw, kesyon an remonte. Olyew reponn li, ou rale telefòn ou. Mwen menm ak ou pè fè fas ak kesyon esansyèl yo. Nou pa vle repons yo twoublen ak meten nan ti soulyen.

Alòs nou fè yon manyè pou nou toujou okipe, poun pa reponn kesyon nou dwe reponn yo. Men, repons dout, krent, pè ak anviwnou yo chita nan kalite kesyon nou poze tèt nou.

Depiw poze move kesyon, wap jwenn movèz repons. Poze tèt ou kesyon difisil se devwa tout moun ki vle atenn matirite emosyonèl. Menm janw manje ak benyen, ou dwe rezève tan pou bon jan refleksyon ak kesyonman. Voltaire konfime sa lèl te di:   read more

Lapawòl an Piblik : 7 Fason Pouw Evite Prezantasyonw Tounen Komedi Piblik

Wap pale lontan, gwo lide ap tonbe. Men, 97% moun pa pXtX nan koton baw s*****. Yo tèt anba nan telefòn yo. Ti pati kap gadew la, se avèk lapèn. Lòt yo se filme yap filme pou yal lage sou Facebook.

Sa rive pastè, pè, gwo zotobre, ti zotbre, prezidan e menm …. Pou evitew pase tankou zòt, banm pataje avèw 7 fason pouw amelyore konpetans ou nan pran lapawòl an piblik.

1- Aksepte Feblès ou

Pouw amelyore yon konpetans, fòw rekonèt feblès ou gen nan konpetans lan.

Kòm mpale vit, mwen toujou ap siveye “lèm pran HighWay la san gad deyè”, poum ka ralanti. read more

Mwen Pa Wè Devan, Mwen Pa Wè Dèyè : Yon Mesaj Pou Moun Kap Goumen Pou Rèv Yo

Yon fènwa lanfè anvayi laviw.

Tout saw manyen tounen pwazon.

Ou dekouraje, fistre.

Tout moun kouri kitew.

Wap mande saw fè wap peye.

Nan kiliti pa nou, yo rele sa « Devenn ».

 

Mesaj saa se pou tout moun ki fatige goumen. Sak pa wè devan, ki pa wè deyè.

Blog saa se pou ou menm ki nan chan batay la,

san ap koule sou zo machwèw,

bandi a pral baw dènye “kou tiye” a. Tout lespwaw fin ale.

Poko ! Avanw bay lavi legen, banm diw:

Pa Abandone Tèt ou

Manmanw te ka jetew depi nan vant. Li te ka sispann baw tete. Pwofesè kenbe menw, montrew ekri, lè tout saw te ka fè se madjigridji. read more

Page 2 of 22

Powered by WordPress & Theme by Anders Norén